මේ වෙබ් සයිට් එකෙන් පුළුවන් ඔයාලගේ වෙබ් සයිට් එක එක පරිගනක වල තියෙන එක එක resolution වල පේන හැටි බලාගන්න. 

මේක විශේෂයෙන්ම වෙබ් නිර්මාණකරුවන් ට වැදගත් දෙයක්. මොකද තමන් හදන වෙබ් සයිට් එක අනුන්ගේ පරිගනක වල පේන හැටි ඔයාලගේ පරිගණකයෙන්ම බලා ගන්න පුළුවන්. අනික පරිගණකවලින්විතරක නෙමේ , මොබයිල් ෆෝන් වලින් පේන හැටිත් බලන්න පුළුවන්. ඔය පල්ලෙහා තියෙන්න ලින්ක් එකයි , මම ටෙස්ට් කරද්දී ආපු screenshotsටිකකුයි. අනිවාර්යයෙන් බලලා විතරක් මදී කමෙන්ට් එකකුත් දාලා යන්න. 

http://viewlike.us/

තොරතුරු ලබා ගත්තේ...

http://www.dushantech.blogspot.com/2011/08/resolutions.html

තමන් ගේ වෙබ් අඩවිය එක එක Screen Size අනුව Resolutions වෙනස් වන ආකාරය බලමු

මේ වෙබ් සයිට් එකෙන් පුළුවන් ඔයාලගේ වෙබ් සයිට් එක එක පරිගනක වල තියෙන එක එක resolution වල පේන හැටි බලාගන්න. 

මේක විශේෂයෙන්ම වෙබ් නිර්මාණකරුවන් ට වැදගත් දෙයක්. මොකද තමන් හදන වෙබ් සයිට් එක අනුන්ගේ පරිගනක වල පේන හැටි ඔයාලගේ පරිගණකයෙන්ම බලා ගන්න පුළුවන්. අනික පරිගණකවලින්විතරක නෙමේ , මොබයිල් ෆෝන් වලින් පේන හැටිත් බලන්න පුළුවන්. ඔය පල්ලෙහා තියෙන්න ලින්ක් එකයි , මම ටෙස්ට් කරද්දී ආපු screenshotsටිකකුයි. අනිවාර්යයෙන් බලලා විතරක් මදී කමෙන්ට් එකකුත් දාලා යන්න. 

http://viewlike.us/

තොරතුරු ලබා ගත්තේ...

http://www.dushantech.blogspot.com/2011/08/resolutions.html

Continue Reading→

බිල් ගේට්ස් පියවරක් පසු බසී ( Bill Gates got step back)

මයික්‍රො‍සොෆ්ට් සමාගම පසුගිය දින ප්‍රකාශයට කරනු ලැබුවේ එහි අධ්‍යක්ෂ මණ්ඩලය විසින් සත්‍යා නඩෙල්ලා ප්‍රධාන විධායක නිළධාරී ලෙස නම් කරනු ලැබූ බවයි.නඩෙල්ලා මින් පෙර මයික්‍රොසොෆ්ට් සමූහ ව්‍යාපාර විධායක උප සභාපති ලෙස කටයුතු කළේය. මෙම පරිවර්තීය කාලය තුල මයික්‍රොසොෆ්ට් ආයතනය මෙහෙයවීමට සත්‍යා නඩෙල්ලාට වඩා හොඳ පුද්ගලයෙකු නැතැයි මයික්‍රොසොෆ්ට් ආයතනයෙහි නිර්මාතෘ හා අධ්‍යක්ෂ මණ්ඩලයේ සාමාජිකයකු වන බිල් ගේට්ස්ගේ අදහසයි.තව දුරටත් ඔහු දක්වන්නේ සත්‍යා විවිධ ඉංජිනේරු හැකියාවන්ගෙන් ව්‍යාපාර දැක්මකින් හා ජනතාව එක්කිරීමේ හැකියාවන් ඔප්පු කල හැකි නායකයෙක් බවයි.ඔහුගේ දැක්ම වනුයේ තාක්ෂණය කෙසේ භාවිතා කල යුතුද යන්න මෙන්ම ආයතනයක් ලෙස මයික්‍රොසොෆ්ට් හි නව පරිච්ඡේදය වන භාණ්ඩ නවෝත්පාදනය පුළුල් කිරීමේදී හා වර්ධනය කිරීමේදී එහි කාර්යභාරයයි.

1992 ආයතනයට එක් වූ දින සිට ඔහු විසින් ආයතනය සතු භාණ්ඩ හා සේවා කාලය සම්බන්ධ ප්‍රධාන උපාය මාර්ග හා තාක්ෂණික උපාය මාර්ග මෙහෙයවන්නෙක් විය.විශේෂයෙන්ම මයික්‍රොසොෆ්ට් ජාලය හා එහි උපකරණ ව්‍යාපාර යන්න දෙඅංශයකින් දැක්ම වෙළඳපොල තුල ප්‍රසාරණය වූ අතර තරඟ කරුවන්ගේ කොටස් ලබා ගැනීමටද හැකිවිය.
නඩෙල්ලාගේ අදහස වූයේ මයික්‍රොසොෆ්ට් යනු ලොව පුරා තාක්ෂණය හරහා විප්ලවීකරණය වුන දුර්ලභ ව්‍යාපාර අතුරින් එකක් බවය.එවැන් ව්‍යාපාරයක නායකත්වයට ඔහුව තේරි පත් වීම හැර තවත් ගෞරවයක් ඔහුට නොමැති බවත්ය.තවදුරටත් ඔහු කියා සිටියේ මයික්‍රොසොෆ්ට් වෙත ඇති අවස්ථා ප්‍රමාණය පුළුල් බවත් නමුදු එය ග්‍රහණය කර ගත යුතු බවත් ඔවුන් තවදුරටත් පැහැදිලිව වේගවත්ව මෙන්ම අඛණ්ඩව පරිවර්තනය විය යුතු බවත් ය.එසේම ඔහුගේ රැකියාවේ විශාල කොටසක් වනුයේ ඔවුන්ගේ හැකියාවන් හදුනා ගනිමින් පාරිභෝගිකයන් වෙත වඩාත් ඉක්මනින් නවෝත්පාදන උපාංග ලබා දිය යුතු බවය.
ස්ටෙවි බැල්මර් ප්‍රකාශ කර සිටියේ වසර 20ට වඩා ඔහුත් සමග සේවය තරමින් සිටින මා දන්නේ ඔහු මයික්‍රොසොෆ්ට් ආයතනයට සුදුසුම කාලයේ දි තේරි පත් වුන සුදුසුම නායකයෙක් බවයි.තවදුරටත් ඔහු අදහස් දක්වමින් කියා සිටියේ ආයතනයේ ඉතා දක්ෂ කාරිය මණ්ඩලයක් හා ජ්‍යේෂ්ඨ නායකත්ව කණ්ඩායමක් යටතේ සේවය කිරිමට හැකි වීම ඔහුට මහත් වු ගෞරවයක් බවය.එසේම ශ්‍රේෂ්ඨත්වයට පත් වීමට ඔවුන්ගේ ඇති ලැදිකම ‚ඕනැකම වර්ධනය කළ හැක්කේ සත්‍යාගේ ශක්තිමත් නායකත්වය යටතේ පමණක් බවය.
මයික්‍රොසොෆ්ට් ආයතනය නිවේදනය කරනු ලැබුවේ හිටපු අධ්‍යක්ෂ මණ්ඩලයේ සභාපත් බිල් ගේට්ස් මහතා නව කාර්යභාරයක් භාර ගනිමින් තාක්ෂණික නිරිමාත්‍ය හා උපදේශක බවට පත් බවත් ඹහු ආයතනය වෙනුවෙන් තව දුරටත් කාලය කැප කරමින් නඩෙල්ලාහට තාක්ෂණයට අනුව හැඩ ගැසීමට හා ඔවුන්ගේ නිෂ්පාදන දිශානතිය සඳහා සහය දෙන බවත්ය.
තොම්සන්අදහස් දක්වමින් කියා සිටියේ මයික්‍රොසොෆ්ට් මෙහෙය වීමට සිටින හොදම පුද්ගලයා පැහැදිලිවම සත්‍යා බවය.එසේම ඔවුන්ගේ මණ්ඩලයේ ඒකමතින සහය ඔහුට හිමි වන බවත්ය.මණ්ඩලය විසින් අපගේ කොටස්කරුවන්‚පාරිභෝගිකයන්‚හවුල්කරුවන් හා සේවකයින් බලාපොරොත්තුව සිටි වඩාත් ඥාණාන්විත ප්‍රවේශයක් ගත් බවය.
නඩෙල්ලාට අමතරව මයික්‍රොසොෆ්ට් අධ්‍යක්ෂ මණ්ඩලය බැල්මර්‚දිනා ඩබ්ලින්‚හිටපු ප්‍රධාන මූල්‍ය නිලධාරි ජේ.පි.මෝගන් චේස්‚ගේට්ස්‚මාරියා කේ.ක්ලේවි‚ හාර්වේ මුඩ් විද්‍යාලයේ සභාපති ස්ටෙෆන් ජේ.ලුස්කෝ වැනි තවත් සාමාජිකයන් කිහිප දෙනෙකුගෙන් සමන්විතය.මණ්ඩලයේ සාමාජිකයන් 10 දෙනෙක්ගෙන් 07 දෙනෙක් මයික්‍රොසොෆ්ට් ආයතනයේ පාලන නීති රිති වල අවශ්‍යතාවය මත ස්වාධීනව කටයුතු කරයි.

 http://www.srilankanews.lk ඇසුරෙනි.

http://www.srilankanews.lk/sinhala/index.php/news/internationalnews/4371-%E0%B6%B6%E0%B7%92%E0%B6%BD%E0%B7%8A-%E0%B6%9C%E0%B7%9A%E0%B6%A7%E0%B7%8A%E0%B7%83%E0%B7%8A-%E0%B6%B4%E0%B7%92%E0%B6%BA%E0%B7%80%E0%B6%BB%E0%B6%9A%E0%B7%8A-%E0%B6%B4%E0%B7%83%E0%B7%94-%E0%B6%B6%E0%B7%83%E0%B7%93

Continue Reading→

අන්තර්ජාලයෙන් මුදල් පිළිඹඳ යථාර්තය, ප්‍රෝඩාව සහ වංචාව( Truth Of Internet Money In Sri Lanka)

අප රට 2013 වසරේ ගුගල් සෙවීම් වලින් වෙන රටවලට සාපේක්ෂව ඉදිරියෙන් ඉන්න අනෙක් ප්‍රධාන අංශයක් එකක් වන්නේ  Internet Money හෙවත් අන්තර්ජාල මුදල් ක්ෂේත්‍රය වේ. එබැවින් අනිවාර්යෙන් ඔබ ඒ ගැන අසා ඇති. සමහර විට ඔබ අන්තර්ජාලය මගින් මුදල් සොයනවා වෙන්න පුළුවන්.  අනිවාර්යෙන්ම මෙය කියවන අය අතර ඉන්නවා මේ ගැන නිවැරදි අවබෝදයක් නැති පිරිසක්. අන්න ඒ පිරිස ඉලක්ක කරගෙන බිහිවූ ප්‍රෝඩා කාරයන් සහ වංචා කාරයන් පිරිසක් මේ වෙන විට බිහිවී අවසානයි. ඔවුන් දැනට වසර ගණනාවක සිට ක්‍රියාත්මකයි. මෙම ලිපියේ අරමුණ එවැන්නන්ට යමෙක් රැවටීමට ඇති ඉඩකඩ අවම කිරීමයි. මම මේ ලිපිය ලියන්නේ මේ පිළිඹඳ කිසිවක් නොදන්නා අය මෙන්ම දන්නා අයටද යමක් ගත හැකිවන පරිදි වේ. එබැවින් ඔබ සියලු දෙනාට මෙය වැදගත්වේ යයි සිතමි. මේ ගැන ඔබට ඇති විය හැකි ගැටළු කිහිපයක් සහ ඒවාට මගේ පිළිතුරු.

අන්තර්ජාලය මගින් මුදල් සොයන්න පුලුවන්ද?

ඔවු අනිවාර්යෙන්ම පුළුවන්. අන්තර්ජාලය කියන්නේ එක් ව්‍යාපාර ක්ෂේත්‍රයක්. බොහෝ වෙබ් අඩවි වල පරමාර්ථයම මුදල් සෙවීම. ඒ සඳහා විවිද ක්‍රම තියෙනවා. පොඩ්ඩක් හිතන්න Google, Facebook, eBay, Paypal, Amazon වගේ විශාල වෙබ් අඩවි කියන්නේ අන්තර්ජාලයේ සිදුවන ව්‍යාපාර. ඔවුන් කරන්නෙත් අන්තර්ජාලය මගින් මුදල් සොයන එක. අපිටත් වෙබ් අඩවි හෝ  බ්ලොග් එකක් සාදා ගැනීම මගින් සල්ලි හොයන්නත් පුළුවන් නැත්නම් අන්තර්ජාලය හරහා අපේ බාණ්ඩ සහ සේවා විකුණා මුදල් සොයන්න පුළුවන්. තව ලංකාවේ කොටස් වෙළඳපොල වැනි දේ සමග ගනුදෙනු සඳහා අන්තර්ජාලය බාවිතා කරන්න පුළුවන් නමුත් එය අන්තර්ජාලය මගින් සිදු කරන මුදල් සෙවීමක් ලෙස නම් කරන්න බැහැ. එයට අමතරව මුදල් මිලදීගැනීම සහ හුවමාරු කිරීම හෙවත් Forex මගින් මුදල් සොයන්න පුළුවන් එය මම දන්නා පරිදි ලංකාවේදී තහනම් දෙයක් ඒ වගේම මම මෙය අනුමත කරන්නේ නැහැ.

අන්තර්ජාලය මගින් මුදල් සොයන්න පුළුවන් කාටද?

බබෙක් නොවන ඕනෑම කෙනෙකුට පුළුවන්. සමහර පාසල් සිසුන් පවා මේවාට යොමු වීම එක ව්‍යසනයක්. එබැවින් ඔවුන්ට වැඩිදුර ඉගෙන ගැනීමට ඇති අවස්ථා පවා මින් අහිමි වෙන්න පුළුවන්. ඒක නිසා මගේ අදහස මෙය ඔවුන්ට එතරම් හොඳ නැහැ. ඔවුන් හැර සියලු දෙනාට අමතර මෙන්ම ප්‍රධාන අදායම් මග ලෙස මෙය යොදා ගන්න පුළුවන්. ගෘහනියන්ට මෙන්ම විශ්‍රාමික පුද්ගලයන්ටත් මෙය පහසුවෙන් කරන්න පුළුවන්. උපාධි ඇති කෙනෙකුට මෙන්ම සාමාන්‍ය පෙළ සමත් නොවන කෙනෙකුට වුවත් මුදල් සොයන්න ක්‍රම අන්තර්ජාලයේ තියෙනවා. ප්‍රමාණවත් ඉංග්‍රීසි දැනුමක් සමග යම් ක්ෂේත්‍රයක  දැනුමක් සහ කාලය කළමනාකරණයට සමත් කෙනෙකුට හොඳ කැපවීමක් ඇත්නම් පහසුවෙන් මුදල් සොයන්න පුළුවන්. පහසුවෙන් කියුවේ නිකන් ගෙදර ඉඳගෙන නොවේ. වැඩ කරලා.

අන්තර්ජාලය මගින් මුදල් සොයන්නේ කෙසේද?

මම මුලින්ම කියුවා වෙබ් අඩවියක්  හෝ  බ්ලොග් එකක් පවත්වා ගැනීම මගින් සල්ලි හොයන්නත් පුළුවන් නැත්නම් අන්තර්ජාලය හරහා අපේ බාණ්ඩ සහ සේවා විකුණා මුදල් සොයන්න පුළුවන්.  Forex සහ සුදුව හැර අන්තර්ජාලයෙන් මුදල් සොයන්න පුළුවන් වෙන්නේ මේ ක්‍රම දෙක මගින් පමණයි. මේවත් මම කරුණු ලෙස පැහැදිලි කරන්නම්.

වෙබ් අඩවියක්  හෝ  බ්ලොග් එකක් පවත්වා ගැනීම මගින් මුදල් සොයන්නේ කෙසේද?

මේ මගින් මුදල් සොයන්න පුළුවන් ක්‍රම 4 ක් තියෙනවා. වෙබ් අඩවිය මගින් යමක් විකිණීම හෝ වෙබ් අඩවිය ලබාදෙන සේවා සඳහා මුදල් අය කිරීම, වෙබ් අඩවිය මත දැන්වීම් දර්ශනය කිරීම, වෙනත් වෙබ් අඩවියක නිෂ්පාදනයක් විකිණීමට උදවු වී කොමිස් ගැනීම සහ තම වෙබ් අඩවිය මත වෙන වෙබ් අඩවියක් ගැන හෝ නිෂ්පාදනයක් ගැන සඳහන් කරන ලින්ක් සහිත ලිපි පළකර මුදල් සෙවීම.  වෙබ් අඩවියකට මේ ක්‍රම 4 ම හෝ කිහිපයක් මගින් මුදල් සොයන්න පුළුවන්. තම අඩවියට පැමිණෙන පුද්ගලයන් සංඛ්‍යාව මත මෙහිදී ලැබෙන මුදල් තීරණය වන බැවින් ඒ සඳහා යම් කැපකිරීමක් සිදුකල යුතුය.

තම වෙබ් අඩවිය හරහා යම් සේවාවක් හෝ දෙයක් විකිණීමට නම් එම අඩවිය ජනප්‍රිය කර ගැනීමට අමතර වෙහෙසක් විය යුතුය. එය මේ ක්‍රමයේ අවාසියකි. තනි පුද්ගලයෙකුට අපහසු වන අතර මෙය බොහෝ විට යොදාගන්නේ ලොකු සහ කුඩා  සමාගම් මගින් වේ.

වෙබ් අඩවිය මත දැන්වීම් දර්ශනය කිරීම මගින් මුදල් සෙවීමේදී කෙලින්ම දැන්වීම් ලබා ගැනීමට අපහසු බැවින් එම සේවාව සපයන අතර මැදි ආයතන පවතී Google Adsense ඉන් ප්‍රධාන වේ. මෙයට අමතරව buysellads, media.net සහ තවත් සේවා පවතී.

වෙනත් වෙබ් අඩවියක නිෂ්පාදනයක් විකිණීමට උදවු වී කොමිස් ගැනීමට පවතින වැඩසටහන් Affiliate Programs හෝ Affiliate Marketing ලෙස හදුන්වයි. මේ සඳහා ඔබගේ කපටිකම උපරිමෙන් වැදගත් වේ. ඔබ අධ්‍යාපනික වෙබ් අඩවියක් කරනවා නම් ඔබට පහසුවෙන් පොත් විකුණන වෙබ් අඩවියක නිෂ්පාදන විකිණීමට හවුල් විය හැක. මෙවැනි දේ ඔබට ගැලපෙන ලෙස තෝරාගත යුතුය. ඔබ වෙබ් අඩවි සැලසුම් පිළිඹඳ වෙබ් අඩවියක් කරනවා නම් ඔබට web hosting අඩවියක  නිෂ්පාදන විකිණීමට හවුල් විය යුතුය. මෙවැනි  Affiliate Programs සහිත වෙබ් අඩවි බොහොමයක් පවතින අතර ඉන් උදාහරණ ලෙස ඉන් කිහිපයක් නම් amazon.com, godaddy.com,  iTunes, Hotwire.com, Themeforest.net වේ. බොහෝ විට මෙවැනි සයිට් වල footer එකෙහි Affiliate Programs, Make money with us වැනි වගන්ති පවතී එවැනි වෙබ් අඩවියක් දුටු විට එමගින් මුදල් එවන ක්‍රම ලංකාවට සහය වන්නේද කියා සොයා බැලිය යුතුය.

ඔබගේ වෙබ් අඩවිය හෝ බ්ලොග් එක ජනප්‍රිය නම් හෝ වැඩි Google page rank එකක් සහිත නම්. වෙන වෙබ් අඩවියක් හෝ නිෂ්පාදනයක් පිළිඹඳ සඳහන් කර මුදල් සෙවිය හැක. ජනප්‍රිය බ්ලොග් එකකට මෙය වඩා පහසු අතර මේ සඳහාම කරන වෙබ් අඩවිද වේ. මේ සඳහා Microworkers වැනි වෙබ් අඩවි යොදා ගත හැක.

තමන්ගේ නොවන වෙබ් අඩවියක් හරහා බාණ්ඩ සහ සේවා විකුණා මුදල් සෙවීම.

ඔබට පරිගණක වැඩසටහන් හැදීම, වෙබ් අඩවි හැදීම, වෙබ් අඩවි සැලසුම් කිරීම, logo සැකසීම, graphic නිර්මාණ කිරීම වැනි දෙයක් නොපුළුවන් නම් අඩු තරමින් data entry වැඩක් හරි කරන්න පුළුවන් නම් ඔබට කළහැකි එම සේවය අනුව ව්‍යාපෘතියක් බාරගෙන නිමකර මුදල් ලබාගත හැක. ඒ සඳහා බාවිතා කළහැකි වෙබ් අඩවි අතරින් ජනප්‍රිය වන්නේ odesk.com, freelancer.com, elance.com වැනි වෙබ් අඩවි වේ. මේවා ඉතා විශ්වසනීය අඩවි වන අතර වැඩක් ඉල්ලීමට ප්‍රථම වැඩය දෙන කෙනා ගේ පෙර චර්යාව බලා ඔහු විශ්වාස කල හැකි නම් වැඩේ බාරගත හැක.

ඉහත අඩවි වල තමන්ට වැඩය දෙනකම් බාලා සිටිය යුතුවීම ලක්ෂණය වුවත් මේ අඩවි මගින් වටිනා ව්‍යාපෘති ලබා ගත හැක. එවැනි ලොකු වැඩ කිරීමට වෙලාවක් නැති කෙනෙකුට සුදුසු අඩවියක් වන්නේ Microworkers.com වේ. මෙහි ඇත්තේ පොඩි වැඩ වන අතර ඒවා ලැබෙනකම් බලා සිටිය යුතු නොවේ. තියෙන වැඩක් කර මුදල් ගත හැක.

පොඩි පොඩි වැඩ කර එක වැඩකට ඩොලර් 5 ලබා ගත හැකි වෙබ් අඩවියක් පවතී. එය නමින්  fiverr.com වේ. එහිදී තමන්ට කළහැකි වැඩය තමන් කියන අතර කෙනෙකුට එම වැඩය අවශ්‍ය නම් සහ ඔබ හොඳ කියා සිතෙනවා නම් ඔබ ලවා වැඩේ කරගෙන මුදල් ලබා දේ.

තමන්ගේ නිෂ්පාදනයක් විකිණීම හෝ අනුන්ගේ නිෂ්පාදනයක් අතර මැදියෙක් ලෙස විකිණීම සඳහා යොදා ගත හැකි වෙබ් අඩවි පවතී ප්‍රචලිත අඩවි දෙකක් නම් eBay.com සහ amazon.com වේ. සමහර පුද්ගලයන් වෙන අඩවි වලින් මිලදීගෙන eBay හරහා order එක ලබාගත් ලිපිනයට බඩුව යවනු ලබයි. මේ ක්‍රමය drop shipping ලෙස හදුන්වයි.

ඔබ වෙබ් අඩවි සැලසුම් කරුවෙක්, වෙබ් අඩවි සකසන්නෙක්, පරිගණක graphic අංශයේ ප්‍රවීනයෙක් හෝ හොඳ ජායාරූප ශිල්පියෙක් නම්. ඔබගේ නිර්මාණ විකිණිය හැකි වෙබ් අඩවි පවතී. themeforest.net, codecanyon.net, 123rf.com, fotolia.com එවැනි වෙබ් අඩවි වලට උදාහරණ වේ.

මෙයට අමතරව ad ක්ලික් කරන bux නම් හිඟන ක්‍රමයක් ඇති අතර මම එය විස්තර නොකරයි. එයට වඩා හිඟා කන එක හොඳයි.

මම ඉහත තොරතුරු මගින් අන්තර්ජාලයෙන් මුදල් සෙවිය හැකි බවත් එම සොයන ප්‍රමාණය තම හැකියාව මත තීරණය වන බවත් පෙන්වා දෙන ලදී. යථාර්තය වන්නේ කෙනෙක්  අන්තර්ජාලයෙන් මුදල් සොයා සාර්ථක වීමට නම් ඔහුට රැකියාවක් මෙන්ම මහන්සි විය යුතු බවයි. එසේ මහන්සි වුවත් ඔහු දක්ෂ නම් පිටරටක රැකියාවක් හෝ ව්‍යාපාරයක් කරනවා සමානව මුදල් සෙවිය හැක. ඔන්න මම දැන් අන්තර්ජාලයෙන් මුදල් වල යථාර්තය පෙන්වූවා.

දැන් බලමු ප්‍රෝඩාව කුමක්ද කියා. ලංකාව තුල සිටිනවා කවුරු හරි රවටා මුදල් හොයන පිරිසක් හොර වෙද්දු, සාත්තර කාරයෝ, හොර ජෝතිෂවේදීන්, ෆෙන්ෂුයි මාස්ටර් ලා වගේ අය. මේ අය දැක්කා මේ ඊ මනී සිද්දිය. ලස්සනම දේ තමයි ඔවුන්ට ඊ මනී හොයන්න දැනුමක් නැහැ නමුත් කියලා දෙන්න පුළුවන්. දානවා පත්තරේ හෝ TV එකේ දැන්වීම් මාසෙට ලක්ෂයක් සොයන්න වගේ ලස්සන කථා කියලා. සහතිකයකුත් දෙනවා ලු. තව ජාත්‍යන්තර බැංකු කාඩ් වගේ දේවල් දෙනවලු. එහෙම කියලා 5000 ක් වගේ අරන් දවසින් කියලා දෙනවා මම ඔය උඩ කියපු ටිකෙන් කොටසක්. ඒ වගේම ඒ සයිට් වල ලියා පදිංචි වන විදිය වගේ දේවල් ටිකක්. අන්තිමට අර නොමිලේ දෙන ජාත්‍යන්තර බැංකු කාඩ් එකටත් ලියාපදිංචි වන විදිය කියලා දීල ගෙදර යවනවා. ඔහොම යන බහුතරයක් තනියෙම ඊමේල් ගිණුමක් හදන්න වත් පරිගණක බැරි පිරිසක්. ඉතින් එහෙම අය ඔය සයිට් වල ලියා පදිංචි වුනා කියලා කොහොමද සල්ලි හොයන්න වැඩ කරන්නේ. අන්තිමට වෙන්නේ අර කියන ජාත්‍යන්තර බැංකු කාඩ් එවන Payoneer සමාගමටත් ලංකාව චාටර් වෙන එක. මොකද ගනුදෙනු නොවන කාඩ් එවන එකෙන් ඔවුන්ට පාඩුයි. ඊ මනී සොයන්න ඕන සහතික නොවේ වැඩ පුළුවන් වීම. ඉති ඔවුන් සහතිකේ දුන්නා කියලා කවුද පිළිගන්නේ ඒක. අනෙක් එක ඔය දෙකයි පනහේ සහතික විතරක් නොවේ Phd තිබුනත් වැඩ බැරිනම් ඊ මනී හොයන්න් බැහැ රජයේ රස්සාවල් කරනවා වගේ.

මෙම වැඩේදී මට පෙන විදියට නීතියානුකුලව ඔවුන් වැරදි නැහැ. මොකද ඔවුන් දැන්වීම් වල දාන සංඛ්‍යා වලින් මුදල් හොයන්න පුළුවන්. ඔවුන් පෙන්වන්නේ සත්‍ය කරුණු.

ඊළඟට බලමු e money නමින් වෙන මහා වංචා මොනවාද කියලා. ලංකාව තුල සිටිනවා හැමදාම රැවටෙන බහුතරයක්. සක්විති, දඬුවම්, golden key වගේ ගොඩකට රැවටුනා. තව පිරමීඩ වලට රැවටුනා. ඉතින් මේ හැම එකටම නීති ය ක්‍රියාත්මක වුනා. දැන් පිරමීඩ වලට කවුරුවත් රැවටෙන්නේ නැහැ. මහා බැංකු මෙහෙයුම් වලින් හැමෝම දැනුවත් වුනා අන්තිමට කවුරුත් පිරමීඩ දන්නා නිසා. පිරමීඩ බව නොපෙනෙන්න ජාවාරම කරනවා. මුලින්ම පිරමීඩය වැහුවේ ජාල වෙළඳාම(network marketing) වලින් අන්තිමට ඒ කත් එලිවුනා. අන්තිමට පිරමීඩේ වහන්නේ  e money වලින්. මේ ගමන කට්ටිය ලස්සනට ඔය  e money පස්සේ යනවා. සම්බන්ද වෙන්න මුලින් 60000 ක් ගෙවන්න ඕන. ලොකු වැඩක් කරන්න නැහැ සතියකට දැන්වීම් 5 ක් බලන්න ඕන දැන්වීමකට රුපියල් 1000 ක් දෙනවා. හරිම පහසුවෙන් මුදල් හොයන්න පුළුවන් කියලා කට්ටිය පොරකාගෙන යනවා. මුලින්ම මේ ක්‍රමය ක්‍රියාත්මක කලේ localadclick නමින් එක කැඩුනා එතනදී රැවටුන මිනිසුන් නැවතත් ඒ වගේම  panora සහ luminous නම් වලින් ආපු වංචාවට රැවටුනා. ඒවත් දැන් බිඳ වැටිලා. ළඟදී මහා බැංකුව ක්‍රියාත්මක වුනා දකින්න ඇති. ඔන්න ඔහොමයි අර ලස්සන ඊ මනී නමින් ප්‍රෝඩාකාර් සහ වංචාකාර මිනිසුන් ගොඩගියේ. ඒ ගැටලුව මෙතනින් ඉවර වෙන එකක් නැහැ ඉස්සරහාට ඔය පිරමීඩයම තව දෙයකින් වහලා ගෙනේවි. අපේ අයත් නිකන් ඉඳන් සල්ලි හොයන්න නේ යන්නේ කෙලින්ම ආයෙත් රැවටේවී.

සියලු පැතුම් ඉටුවන වංචාකාරයන්ට සහ ප්‍රෝඩාකාරයන්ට නොරවෙටෙන අනාගත ඔබ සැමට.

මහා කළු සිංහලයා බ්ලොග් අඩවිය ඇසුරෙනි.

Continue Reading→

සමාජ ජාලයේ සෙනඟ, පිවිසීම ඉක්මණින් වැඩි කරගන්න. (facebook likes, Google+, twitter followers ect:)

වර්තමාන දැන්විම්කරනයේ ප්‍රධාන මාධ්‍ය බවට අන්තර්ජාලය පත් වී තිබෙනවා. අන්තර්ජාලයේ දැන්වීම්කරනයේදී සමාජජාල වෙබ් අඩවි වලට හිමිවන්නෙ වැදගත් ස්ථානයක් එ නිසාම තමන්ගේ සමාජජාල ගිනුම වටා සිටින සෙනඟ වැඩි කරගැනිමට ගොඩාක් දෙනෙක් උත්සහ කරනවා. උදාහරනයක් විදිහට facebook fan page වල Likes වැඩි කරගැනිම දක්වන්න පුලුවන්. මේ ව්දිහට සෙනග වැඩි කර ගැනිම ලෙහෙසි පහසු කටයුත්තක් නෙමේ කියලා ඔයා අත්දැකීමෙන් දැනටමත් දන්නවා ඇති.  එත් දැන් මේ වැඩේට උදවු කරන්න වෙබ් අඩවී ගන්නනාවක් තිබෙනවා. එ අතරින් ජන්ප්‍රියම හා විශ්වාසවන්තම වෙබ් අඩවියක් ලෙස Add me fast වෙබ් අඩවිය පෙන්වා දෙන්න පුලුවන්. මෙහි ක්‍රියාකරිත්වය ඉතා සරල නිසා ඔන කෙනේක්ට add me fast භාවිතයේන් තමන්ගේ facebook fan page එකේ Likes twitter account එකේ followers, google+ හි + ගනන ආදී ලෙස විවිධ සමාජ ජාල අඩවි වල සේනග වැඩි කරගන්න පුලුවන්.

Add me fast වෙබ් අඩවියේ register විය යුතුය. register  වුන ගමන් points300  අපිට හම්බවෙනවා. ඉට පස්සෙ අපේ සමාජ ජාලය Add me fast වෙත add කරලා ඒ points ගාන ඉවර වෙනකන් අපිට Likes , + , followers ‍රැස් කරන්න පුලුවන්. Points ඉවර උනාම අපිට සතයක් වත් වියදම් කරන්නෙ නැතුව ආය points ලබාගන්නත් පුලුවන්. දැන්ම ඔයගේ facebook fan page එකේ twitter ,Google + Youtube වල සේනග වැඩි කරගන්න Add me fast try කරලා බලන්න.

 මීට අමතරව මම භාවිතා කරන මේ සදහා තවත් විශ්වාසදායි වෙබ් අඩවි කිහිපයක්ම යොදා ගත හැකිය.එනම්,
Like4Like.org
Follow4Follow.com
Addmefast.com
Hit4Hit.com

සයිබර්හිරු ඇසුරිනි.

Continue Reading→

අන්තර්ජාලය හරහා අසභ්‍ය දර්ශන සොයාගැනීම වාරණය කිරීමට ගූගල් සැරසෙයි.

අන්තර්ජාලය 

හරහා 

අසභ්‍ය දර්ශන 

සොයාගැනීම 

වාරණය 

කිරීමට 

ගූගල් සැරසෙයි

ළමයින් යොදාගෙන සිදුකෙරන ලිංගික අපයෝජනයන් ඇතුළත් වීඩියෝ දර්ශන හා ඡායාරූප අන්තර්ජාල සෙවුම් යන්ත්‍ර වලින් සොයාගැනීම වාරණය කිරීමට ගූගල් සමාගම ( Google company)සැරැසෙයි. මේ සදහා ගූගල් සමාගම නවතම තාක්ෂණයක් ද හදුන්වා දී තිබේ. 

එයින් සිදුවන්නේ ළමා අපචාර හෝ ලිංගික ක්‍රියාකාරකම් සොයා කිසිවෙකුත් අන්තර්ජාල සෙවුම් යන්ත්‍ර භාවිතා කිරීමට යන්නේ නම් එය සෙවුම් යන්ත්‍රය හදුනාගෙන සෙවුම් ප්‍රතිඵල ලබාදීම අත්හිටුවීමයි. සෙවුම් යන්ත්‍රයකින් සෙවුම් ප්‍රතිඵල (Google search result)ලබා ගැනීමට සෙවුම් වදන් භාවිතා කළ යුතුවේ. 

ළමා අපයෝජනයන් ඇතළත් වේ යැයි සිතිය හැකි සෙවුම් වදන් 13000 කට අධික ප්‍රමාණයක් ගූගල් සමාගම තම සෙවුම් යන්ත්‍ර පද්ධතියට එක් කර ඇති අතර එම එක් සෙවුම් වදනක් හෝ අන්තර්ජාලය භාවිතා කරන්නෙකු සෙවුම් යන්ත්‍රයේ සටහන් කළහොත් එය වහාම හඳුනාගන්නා පද්ධතිය අන්තර්ජාලයේ සෙවුම් සිදුකිරීම අත්හිටුවා දමා භාවිතා කරන්නාට අනතුරු ඇගවීමකුත් නිකුත් කිරීමේ සමත් ය. 

දැනට ගූගල් සමාගමේ 'ගූගල්' සෙවුම් යන්ත්‍රයේත් මයික්‍රොසොෆ්ට් සමාගමේ 'බ්ලින්ග්'(Bing) සෙවුම් යන්ත්‍රයේත් මෙය ක්‍රියාත්මක අතර ඉදිරියේ දී අනෙක් සෙවුම් යන්ත්‍රත් මෙම තාක්ෂණය භාවිතයට ගැනීමට නියමිත ය. 

මිට අමතරව ගූගල් සමාගම විශේෂයෙන් පුහුණු කෙරූ මෘදුකාංග ඉංජිනේරුවන් අනතර්ජාල විමර්ෂකයින් ලෙස පත්කිරීමටත් සැළසුම් කර ඇත. ඔවුන්ගෙන් සමාගම බලාපොරොත්තු වන්නේ අන්තර්ජාලයේ ඇති ළමා අපයෝජන ක්‍රියා ඇතුළත් වීඩියෝ හා ඡායාරූප ඉවත් කිරීමය. 

ලිංගික අපයෝජනයන් ඇතුළත් දර්ශනයන් ඉවත් කිරීමේ වගකීම භාරදිය යුත්තේ මිනිසුන්ටම මිස පරිගණක වලට නොවන බව ගූගල් සමාගමේ මතය යි. 

මන්ද ඡායාරූපයක් හෝ විඩියෝවක් අපයෝජනයක් වේදැයි හෝ නොවේදැයි යන්න පරිගණක වලටම හදුනාගත හැකි තාක්ෂණයක් මෙතෙක් සොයාගෙන නොමැති හෙයින් ය. 


මුල දී ගූගල් හා මයික්‍රොසොෆ්ට් සමාගම් දෙකම තති මතයක පිහිටා අන්තර්ජාලයේ සෙවුම් සීමා කිරීම යනු අන්තර්ජාලයට වාරණයක් පැනවීම වැන්නකයි ද එය අන්තර්ජාලය පිහිටුවීමේ අරමුණ උල්ලංඝණය කරන්නක් යැයිද පැවසූ අතර නමුත් ලොව රටවල්වලින් එල්ල වන්න්ට ගත් පීඩනය නිසා මෙසේ ඔවුන් දැරූ ස්ථාවරය වෙනස් කරගෙන ඇත. 

දැනට තෝරාගත් රටවල් කිහිපයක මෙම වාරණය ක්‍රියාත්මක අතර ඉදිරි මාස 6 ක කාලයේ දී ලොවම ආවරණය කිරීමට ගූගල් හා මයික්‍රොසොෆ්ට් සමාගම් සැළසුම් කර ඇත. 

lankaegozip news ඇසුරෙනි

Continue Reading→

ProBux (ප්‍රෝබක්ස්) භාවිතයෙන් නිවසේ සිටම අන්තර්ජාලයෙන් මුදල් උපයන්න.

යාලුවනේ, මම ඔයාලට අද කියන්න සූදනම් වෙන්නේ නියම PTC  Company එකක් ගැන‍‍. මේක BUX Site වලින් දවෙසන් දවස ඉදිරියටම ඒන, දවසෙන් දවස Alexa Rank එකද ඉහල නගින ආයතනයක්. මේක දැනට වැඩිපුරම අපට ගෙවීම් කරන ආයතනයන්ගෙන් එකක්.  ඔයාලගේ දක්ෂතාවය හැකියාව පදනම් කරගෙන ඔයාලට ඉදිරියටම යන්න පුළුවන්.  එයට  ක්‍රම කීහිපයක් තියෙනවා, එකක් තමයි රෙෆරල්ස් කියන්නේ. මෙහෙමයි මේක පොඩියට පටන් අරගෙන ඔයාලත් දිනෙන් දින ඉදිරියට යන්න. 
මුලින් ලැබෙන 0.6 $ න් රෙෆරල්ස්ලා 03 න් දෙනෙක් Rent එකට ගන්න ඊට පස්සේ අපේ රෙෆරල්ස්ලා 03 න් දෙනා ඒ අයගේ Ad ටික බැලුවම ඒ අය ලබාගන්නා ආදායමෙන් 50% ක් අපට ලැබෙනවා. . . ඔහොම ටික ටික රෙෆරල්ස්ලා Rent එකට ගන්න. රෙෆරල්ස්ලා වැඩි උනා කියන්නේ අපට ලැබෙන ආදායම වැඩි වෙනවා. අනිවාර්යයෙන් රෙෆරල්ස්ලාගේ ආදායම අපට ලබා ගන්න නම් අපි අපට ලැබෙන Ad ටික බැලීම අනිවාර්යය වෙනවා. ‍රෙෆරල්ස්ලා නැතිව නම් දිනකට රුපියල් 6 ත් 7ත් ප්‍රමානක් තමයි ගන්න පුළුවන්. ‍රෙෆරල්ස්ලා 1000 ක් විතර හිටියොත් (‍රෙෆරල්ස්ලා 100 ට Rent එකට ගත්තොත්, 20$ යන්නේ, ඒකියන්නනේ රුපියල් නම් 2500ක් පමණ. එතකොට ලාභය හිතාගන්න පුළුවන් නේද!) බය නැතිව මාසෙකට රුපියල් 4000 සීමාව පසු කරන්න පුලුවන් නියම ආයතනයක් තමයි මේක..  මට නම් රෙෆරල්ස්ලා 2000ක් ඉන්නවා. මගේ ආදායම මම කියන්න යන්නේ නැහැ ඔයලට හිතාගන්න පුළුවන් නේද!රෙෆරල්ස්ලා ටිකක් වැඩි කර ගත්තොත් නම් ගොඩේ ගොඩ තමයි, තවද මේකේ ටිකක් පරන වෙන තරමට ඇඩ්ස් ලැබෙන ප්‍රමාණය ද ටික ටික වැඩි වෙනවා ඒක ඔයාලට මේක කරගෙන යනකොට ඔයාලටම තේරේවි මම කියනවට වඩා., ඇඩ් වැඩි උනා කියන්නේ දිනක ආදායමද වැඩිවෙනවනේ.. මේකේ මුදල් 5$ ක් වූ විට අප කවුරුත් දන්නා PayPal හෝ Payza යන ඔන්ලයින් බෑන්ක් එකවුන්ට් එකකට මුදල්  Withdraw කර ගන්න පුළුවන්. එහෙනම් අපි වැඩේ පටන් ගමු.

මුලින්ම පහත බැනරය ක්ලික් කරන්න.
 

ඉන් පසුව මේ ආයතනයේසයිට් හෝම් පේජ් එක බලා ගන්න පුළුවන්.

මෙහි ඉහල දකුණු කෙලවරේ ඇති Register කියන තැන ක්ලික් කර, පහත රූපය වගේ ස්ථානයට පැමිණිය හැකිය

මෙහි ඔයාලගේ සත්‍යය තොරතුරු ඇතුලත් කරන්න. Referrer කියන තැන හිස්ව තබා Create My Account යන්න ක්ලික් කරන්න.

දැන් EMAIL ADDRESS එකේ නිවැරදිතාවය තහවුරු කරන ලෙස පණිවිඩයක් ඔබට දැකය හැක, දැන් කරන්න තියෙන්නෙ ඔයාලගෙ email account එකට ගොස් probux ආයතනයෙන් එවන ලද email එකේ ඇති  link එක click කිරීම පමණයි., එවිට ඔබ ලබා දුන්  email address එක තහවුරු කර ගත් බවට පණිවිඩයක් ඔබට ලැබෙනු ඇත.

දැන් probux වෙත පිවිස Login යන්න තොරා, ඔයාල දීපු username සහ password නිවැරදිව ලබා දී Account එකට Login වෙන්න පුළුවන්.,

දැන් ඔබ Register වී හමාරයි., දැන් එකවුන්ට් එකට ලොග් වෙලා දවස ගානේ ඇඩ් ටික බලන්න තමයි තියෙන්නේ.,

 

දැන් Page එකේ ඉහල තියෙන View Ads කියන
 ස්ථානය Click කරන්න. එතකොට ඔයාලට View Advertisements කියල Page එකක් පහත රූපය පරිදි ලැබෙයි.

ඒකෙ ඇති  ඇඩ් එක වතාවකට එක ගානෙ click කරන්න ඔනේ. මුලින් එක ඇඩ් එකක් Click කරන්න. හරි දැන් අළුත් පිටුවක එම ඇඩ් Open වේවි., දැන් එම Page එක උඩින් නිල් පාට ඉරක් පිරෙනු ඔබට දැකිය හැකිය.

 

එම ඉර පිරී අවසන් වූ පසුව ඔබේ ගිණුමට මුදල් එකතු වූ බව කියවෙන පණිවිඩයක් තිරයේ දිස්වෙනු ඔබට දැකිය හැකිය. දැන් ඔයාලාගේ Account එකට ගොස් බලන්න. ගිණුමෙහි ශේෂය $ 0.01 ලෙස එහි සටහන්ව ඇත. ප්‍රථමයෙන්ම  ගිණුමක් ආරම්භ කළ සැනින් ඔබට ලැබෙනුයේ Ads අටක් හෝ කිහිපයකි. එනම් $0.01 ක් ගෙවනු ලබන ads හතරක් සහ $0.001 ගෙවනු ලබන ads හතර පහක් හෝ කිහිපයකි. එම ads සියල්ලම නියම ආකාරයෙන්  නැරඹූ ඔබට පළමු දිනයේ $0.05 ක පමණ මුදලක් Probux වෙතින් ඔබේ ගිණුමේ ශේෂයට බැර කර තිබෙනු ඔබට දැකිය හැකිය.

මේ ආකාරයට ඔබේ ගිණුමේ ශේෂය $5 ක් වූ විට ඔබේ OnlineBank ( Paypal or  Payza ) බැංකු ගිණුම් දෙකන් එකකට මෙම  මුදල් ලබා ගත හැකිය.

   

ඇයිද තවත් ප්‍රමාද, තාමත් ඔබ Register වී නොමැති නම් පහත බැනර් එක ක්ලික් කිරීමෙන් දැන්ම Register වී වෙනස අත් විදින්න..  ඔබටද ඉතාමත් සාර්ථකව මුදල් ඉපයිය හැක.

Continue Reading→

Broadband Internet ගැන හරියටම දැන ගනිමු.

Broadband යන වචයන ඇසූ පමණින් ඔබේ සිහියට නැගෙනුයේ ඔබගේ අන්තර්ජාල සබඳතාවයයි. නමුත් අන්තර්ජාල සබඳතාවයක් යනු broadband තාක්ෂණයේ එක් ප්‍රායෝගික භාවිතයක් පමණි. අද වනවිට ලොව පුරා විශාල වශයෙන් පරිගනක සහ විවිව්ධ ඉලෙක්ට්‍රොනික උපාංග ව්‍යාප්ත වී ඇති අතර එම උපකරණ අතර අන්තර් සබඳතාවයක් පවත්වාගැනීමට විවිධ තාක්ෂණික ක්‍රමවේදයන් භාවිතා කරනු ලැබේ. Broadband යනු එවන් තාක්ෂණික ක්‍රමවේදයකි.

Broadband තාක්ෂණයේ ක්‍රියාකාරීත්වය,ප්‍රායෝගික භාවිත සහ විවිධ broadband internet සබඳතා පිළිබඳව තොරතුරු මෙම ලිපියෙන් විමසා බලමු.

Broadband යනු කුමක්ද?

Broadband යන වචනයෙන් අර්ථවත් වන්නේ “පුළුල් කළාපයක්” යන්නයි. එනම් මෙම තාක්ෂණය මගින් එක් දත්ත සන්නිවේදන මාධ්‍‍යක් තුල පුළුල් කළාපයක් (band) ඔස්සේ දත්ත සන්නිවේදනය කරනු ලබයි. විවිධ සංඛ්යාත පරාසයන්ගෙන් යුත් විද්‍යුත් තරංග එකිනෙක මිශ්‍ර නොවී එකම සන්නිවේදන මාධ්‍යයක් ඔස්සේ සන්නිවේදනය කිරීම broadband තාක්ෂණය ලෙස සරළව හඳුන්වාදිය හැක. මෙහිදී විවිධ සංඛ්යාත පරාසයන්ගෙන් යුත් දත්ත පථ (data channels) කිහිපයක් භාවිතා කරන අතර එක් පථයක් ඔස්සේ ගමන් කරන තරංගයක් එම මාධ්‍යයේම වෙනත් පථයක් ඔස්සේ ගමන් කරන තරංගයක් සමග මිශ්‍ර නොවේ. සම-අක්ෂක රැහැන් (coaxial cable), ඇඹරුනූ කම්බි යුගල (twisted pair cable), ප්‍රකාශ තන්තු (fiber optic cables) මෙන්ම රැහැන් රහිත විද්‍යුත් චුම්භක තරංග මාද්‍යයක් ඔස්සේ වුවද මෙම ක්‍රමයට දත්ත සන්නිවේදනය කලහැක.

ඔබගේ නිවසට දුරකතන සබඳතාවය, රූපවාහිනී සබඳතාවය සහ අන්තර්ජාල සබඳතාවය වැනි විවිධ සබඳතා කිහිපයක්ම එකම රැහැනක් ඔස්සේ එකවර ලබාගතහැකි වන්නේ මෙම broadband තාක්ෂණයේ බල මහිමයෙනි.

දත්ත සන්නිවේදන වේගය

විශේෂයෙන් අන්තර්ජාල සබඳතා පිළිබඳව කතා කිරීමේදී දත්ත සන්නිවේදන වේගය අනිවාර්‍යයෙන්ම සැලකිය යුතු කරුණකි. ඕනෑම අන්තර්ජාල සේවා සපයන ආයතනයක (Internet Service Provider / ISP) වෙළඳ දැන්වීමක් හෝ වෙනත් ප්‍රචාරන කටයුත්තකදී ඔවුන් ලබාදෙන සබඳතාවයේ වේගය පිළිබඳව සඳහන් කරයි. නමුත් බොහෝ පරිශීලකයින්ට ඇති ගැටළුව වන්නේ ඔවුන් එම සබඳතාවය මිලදී ගත් පසු දැන්වීමේ තිබූ වේගය ඔවුන්ට සැබවින්ම නොලැබීමයි. මෙම ගැටළුව ඇතිවන බොහෝ අවථාවන් වලදී සැබවින්ම අදාල සමාගම සතුව කිසිදු වැරැද්දක් නොමැති අතර ගැටළුව ඇත්තේ පරිශීලකයා වෙළඳ දැන්වීම නිසි ලෙස තේරුම් නොගැනීම තුලයි.

bits සහ Bytes හඳුනාගනිමු

 1 Byte = 8 bits 

පරිගනක තුල දත්ත වල විශාලතවය මැනීම සඳහා සම්මත ඒකකය ලෙස “Byte” භාවිතා කරයි මෙය කැපිටල් B අක්ෂරයෙන් සංකේතවත් කරනු ලැබේ. Byte 1024ක් එක් වීමෙන් Kilobyte එකක් (KB) සෑදෙන අතර KB 1024ක් එක් වීමෙන් Megabyte (MB) එකක් සෑදේ. මෙය සරළ පරිගනක දැනුමක් ඇති ඕනෑම පුද්ගලයෙක් හොඳින් දන්නා කරුණකි.

නමුත් බොහෝ විට ඔබ නොදන්නා කරුණ වන්නේ දත්ත සන්නිවේදන වේගය මැනීමට යොදාගන්නා සම්මත ඒකකය Byte නොව bit යන්නයි. bit එකක් යනු Byte එකකින් අටෙන් පංගුවකි. එනම් එක් Byte එකක් සෑදීමට bit අටක් අවශ්‍ය වේ. Megabyte එකක් යනු Megabit 8 කි. bit එකක් ඉංග්‍රීසි හෝඩියේ සිම්පල් b අක්ෂරයෙන් නිරූපණය කරනු ලබයි.

ඔබේ අන්තර්ජාල සේවා සපයන ආයතනය (ISP) විසින් ඔබට ප්‍රකාශ කරනු ලබන වේගය සඳහන් වන්නේ මෙම bit වලිනි. එනම් ඔබේ අන්තර්ජාල සබඳතාවය 1Mbps නම් එයින් අදහස් වන්නේ තත්පරයකට “Megabit” එකක වේගයක් ඇති බවයි. මෙම සබඳතාවය තුලින් 1 Megabyte දත්ත ගොනුවක් භාගත කිරීමට ඔබට තත්පර 8ක කාලයක් ගතවේ.      

මෙම bit වලින් සඳහන් වන වේගය Byte ලෙස වරදවා වටහාගැනීම බොහෝ පාරිභෝගිකයින් විසින් සිදුකරන අතපසු කිරීමක වන අතර bit සහ Byte අතර වෙනස නිසි ලෙස හඳුනාගැනීමෙන් මෙම ගැටළුව සාර්ථකව නිරාකරණය කරගතහැක.

Latency හෙවත් ගුප්තතාවය

ඔබ broadband සබඳතාවයක් මිලදී ගැනීමේදී බොහෝවිට සැලකිලිමත් වන්නේ එහි වේගය ගැන පමණි. නමුත් ගුප්තතාවය හෙවත් Latency යනු ඔබේ broadband සබඳතාවයේ සලකා බැලියයුතු තවත් ඉතා වැදගත් ගුනාංගයකි.

ඔබ broadband සබඳතාවය ඔස්සේ යම්කිසි පණිවිඩයක් (signal) යැවූ විට එය ග්‍රාහක අග්‍රය වෙත ප්‍රවේශ වීමට ගතවන කාලය latency ලෙස හඳූන්වයි. ජාලය ඔස්සේ තත්කාලීන සන්නිවේදනයන් (real-time communication) සිදුකිරීමේදී මෙම ගුප්තතාවය (latency) ඉතමත වැදගත් වන අතර සාමාන්‍යයෙන් හොඳ තත්වයේ real-time connection එකක් පවත්වාගැනීම සඳහා ඔබේ සබඳතාවයෙ latency අගය මිලි තත්පර 250ක් පමණ (250ms) හෝ ඊට අඩු විය යුතුය.

ඔබේ සබඳතාවයේ latency අගය මිලි තත්පර 500ක් පමණ හෝ ඊට වඩා විශාල අගයක් ගන්නේ නම් එය කිසිසේත්ම අන්තර්ජාලය ඔස්සේ සිදුකරන දුරකතන සංවාද වැනි කටයුතු සඳහා සුදුසු නොවේ. ඔබ නිතර skype හෝ වෙනත් එවැනි දුරකතන, video call සේවාවන් භාවිතා කරන අයෙක් නම් ඉතා අඩු latency අගයකින් යුත් broadband සබඳතාවයක් මිලදී ගැනීම කෙරෙහි සැලකිලිමත් විය යුතුය.

Dynamic සහ Static IP address හඳුනාගනිමු

IP ලිපිනය යනු පරිගනක ජාලයක් හෝ අන්තර්ජාලය තුල ඔබේ පරිගනකය හඳුනාගැනීමට භාවිතා කරන විශේෂ වූ ලිපිනයකි. ඔබ broadband සබඳතාවයක් ඔස්සේ අන්තර්ජාලයට පිවිසීමේදී ඔබේ අන්තර්ජාල සේවා සපයන සමාගම (ISP) විසින් ඔබට IP ලිපිනයක් ලබා දේ. ඔබ අන්තර්ජාලයට පිවිසෙන්නේ එම IP ලිපිනය ඔස්සේ ය. නමුත් ශ්‍රී ලංකාවේ නම් බොහෝවිට ඔබේ ISP විසින් ලබාදෙන මෙම IP ලිපිනය ගතික (Dynamic) IP ලිපිනයකි. එනම් ඔබ අන්තර්ජාලයට සම්බන්ද වන අවස්ථාවේ ඔවුන්ගේ ජාලය තුල නිදහස්ව ඇති IP ලිපිනයක් ඔබට ලබා දේ. නමුත් ඔබ සම්බන්ධතාවය විසන්ධි කර (disconnect) නැවත සම්බන්ධ වීමේදී යලිත් ඔබට ලැබෙන්නේ පෙර ලිපිනයම නොවියහැක. නමුත් අන්තර්ජාල තුල වෙබ් පිටු වලට පිවිසෙන සාමාන්‍ය පරිශීලකයෙකුට මෙය එතරම් ගැටළුව නොවේ. ඔවුන්ගේ IP ලිපිනය කුමක්ද කියා දැනගැනීමට තරම් වත් ඔවුනට අවශ්‍යතාවයක් නැත.

නමුත් ඔබ සතුව අන්තර්ජාලයට සම්බන්ධිත සේවා දායක පරිගනකයක් (server) තිබේ නම් Dynamic IP address එකක් ඔබට විවිධ ගැටළු මතු කරනු නිසැකය. වෙනත් පරිගනක පරිශීලකයින් ඔබේ server පරිගනකයට පිවිසෙන්නේ එහි IP ලිපිනය ඔස්සේ බැවින් IP ලිපිනය නිතර නිතර වෙනස් වීම නිසා එම පරිශීලකයින් හට ඔබේ server එක හඳුනාගත නොහැකි වේ.

මීට අමතරව ඇතැම් e-mail server මගින් dynamic IP ලිපින සහිත පරිගනක  වලින් එවන ලද e-mail පණිවිඩ spam ලෙස හඳුනාගැනීම නිසා ද විවිධ ගැටළු ඇතිවිය හැක.

මේ ඔබ ව්‍යාපාරික කටයුතු සඳහා broadband සබඳතාවයක් මිලදී ගන්නේ නම්  dynamic IP ලිපිනයකට වඩා Static IP ලිපිනයක් ඔබට යෝග්‍ය වේ. Static IP ලිපිනයක් ලබාගැනීමට ඔබට ඔබේ ISP වෙත යම් ගෙවීමක් කිරීමට සිදු වන අතර එමගින් ඔබටම අනන්‍ය වූ ස්ථිර IP ලිපිනයක් ලැබේ. එය කිසි විටෙකත් වෙනස් නොවන බැවින් web server, database server වැනි සේවාදායකයන් පවත්වාගෙන යාමට ඉතාමත් පහසු වේ.

එබැවින් ඔබේ අවශ්‍යතා නිවැරදිව හඳුනාගෙන ඔබට අවශ්‍යනම් Static IP ලිපිනයක් සමග ඔබේ  broadband සබඳතාවය මිලදී ගැනීම සැලකිලිඅත් වන්න.

(IP ලිපින සම්බන්ධයෙන් වැඩිදුර තොරතුරු මෙතනින් කියවන්න)

ඔබේ IP ලිපිනය, broadband සබඳතාවයේ වේගය සහ latency අගය පිළිබඳ ස්වයං පරීක්ෂාවක් සිදුකරගැනීමට පහත වෙබ් අඩවි යොදාගතහැක.

http://www.whatismyip.com/

http://www.speedtest.net/

Broadband Internet

වර්ථමානය වනවිට අන්තර්ජාල සබඳතාවයක් යනු සෑම පුද්ගලයෙකු ම සතු පහසුකමක් බවට පත්වී හමාරය. විවිධ අන්තර්ජාල සේවා සපයන සමාගම් (ISP) විසින් විවිධ තාක්ෂණයන්ගෙන් බලගැන්වූ අන්තර්ජාල සබඳතා වෙළඳපොලට ලබාදේ. මෙම එක් එක් වර්ගයේ සබඳතා තුල භාවිතා වන තාක්ෂණයන් සහ ඔබේ අවශ්‍යතාවයට ගැලපෙනම තාක්ෂණය හඳුනාගන්නා ආකාරය පිළිබඳව කරුණු කිහිපයක් සලකා බලමු.

Mobile Broadband

අද වනවිට බොහෝ දෙනා අතර ඉතා ජනප්‍රිය අන්තර්ජාල සබඳතාවයක් ලෙස mobile broadband හඳුන්වාදිය හැක. විශේෂයෙන් ජංගම දුරකතන සඳහා අද වනවිට මෙම තාක්ෂණය බෙහෙවින් භාවිතා කරන අතර Laptop පරිගනක, tablet පරිගනක සහ වෙනත් විවිධ ජංගම උපාංග වෙත ඉතා පහසුවෙන් අන්තර්ජාල සබඳතාවය ලබාගැනීමට භාවිතා කරයි. මෙහිදී ජංගම දුරකතන ජාල ඔස්සේ දත්ත සම්ප්‍රේශණය සිදු කරණ අතර දුරකතන සබඳතාවයට භාවිතා කරන තරංග සංඛ්‍යාත පරාසයට වඩා පුළුල් සහ ඉහල සංඛ්‍යාත පරාසයන් භාවිතා කරයි.

EDGE, 3G, 4G, WiMax වැනි විවිධ ආකාරයන්ගෙන් ඔබට mobile broadband සබඳතාවයක් ලබාගතහැකි අතර EDGE සබඳතාවයකින් ලබාගතහැකි උපරිම දත්ත සම්ප්‍රේශණ වේගය 236Kbps (Kilobits per second) පමණ වේ. 3G සබඳතාවයක් හරහා තත්පරයකට Megabits කිහිපයක වේගයකින් යුත් සබඳතාවයක් ලබාගතහැකි වන අතර නවතම 4G දත්ත සබඳතාවයක් ඔස්සේ ඔබට මේ සියල්ලට ම වඩා ඉහල වේග වලින් යුත් අන්තර්ජාල ප්‍රවේශයක් ලබාගතහැකි වේ.

ඔබට ඕනෑම තැනක සිට අන්තර්ජාලයට සම්බන්ද වීම ඉතා පහසු වීම mobile broadband සබඳතාවයක ඇති සුවිශේෂීම ලක්ෂණය ලෙස දැක්විය හැකි අතර mobile broadband modem (internet dongle) එකක් භාවිතා කර අවශ්‍ය ඕනෑම පරිගනකයක් හරහා ඉතා පහසුවෙන් අන්තර්ජාල ප්‍රවේශය ලබාගතහැකි වීම ද තවත් එක් වාසියකි.

කෙසේ වෙතත් මෙවන් mobile broadband සබඳතාවයක් ලබාගැනීමට නම් මුලින්ම ඔබ සිටින ප්‍රදේශයට අදාල ජංගම දුරකතන ජාලයේ ආවරණය (coverage) තිබීම අනිවාර්ය කරුණකි. ඔබට ලැබෙන signal ප්‍රභලතාවය (strength) මත ඔබේ mobile broadband සබඳතාවයේ වේගය හා ස්ථාවරත්වය රඳා පවතින අතර වර්ෂාව, ඝණ මීදුම වැනි පාරිසරික සාධක ද ඔබේ signal strength එක අඩු වීම කෙරෙහි හේතු විය හැක.

DSL internet

DSL යන්නෙන් නිරූපනය වන්නේ Digital Subscriber Line යන්නයි. නමුත් අපට වඩාත් හුරු පුරුදු වචයන වන්නේ DSL නොව ADSL ය. ADSL යනු DSL තාක්ෂණයේම එක්තරා ප්‍රවර්ගයක් (category) වන අතර මෙහි A අක්ෂරයෙන් Asymmetric යන්න නිරූපනය කරයි.

Asymmetric යන වචනයෙන් “අසමමිතික” යන අර්ථය නිරූපනය කරන අතර ADSL යනු සැබැවින්ම අසමමිතික DSL සබඳතාවයකි. එනම් DSL සබඳතා තුල දත්ත download වෙගයත් upload වේගයත්  සමාන අගයක පැවතුනත් ADSL සබඳතාවයක දත්ත download සහ upload වේගයන් අතර විශාල පරතරයක් ඇත. බොහෝ විට ADSL සබඳතාවයක දත්ත download වේගය ඉතා ඉහල අගයක් ගන්නා අතර upload වේගය සාපේක්ෂව පහල මට්ටමක පවතී. නමුත් විවිධ සේවාවන් ලබාගැනීමට පමණක් අන්තර්ජාලය භාවිතා කරන පුද්ගලයෙකුට (end user) වඩා වැදගත් වන්නේ download speed එක බැවින් upload speed එක අඩු වීම එවන් පරිශීලකයෙකුට එතරම් වැදගත් නොවේ.

නමුත් ඔබ අන්තර්ජාලය තුලින් විවිධ සේවා සැපයීමට බලාපොරොත්තු වන පුද්ගලයෙක් නම් ඔබේ අන්තර්ජාල සබඳතාවයේ upload speed එක ගැන ඔබ අනිවාර්යයෙන්ම සැලකිලිමත් විය යුතුය. උදාහරනයක් ලෙස ඔබ ADSL සබඳතාවයක් ඔස්සේ වෙබ් සේවාදායකයක් (web server) , දත්ත පාදක සේවා දායකයක් (database server) හෝ වෙනත් එවන් සේවාවක් සැපයීමට බලාපොරොත්තු වන්නේ නම් ඔබට download speed එක කෙතරම් ඉහල අගයක තිබෙන ADSL සබඳතාවයක් වුවත් කිසිසේත්ම නොගැලපේ.

ADSL අන්තර්ජාල සබඳතාවයක් මිලදී ගැනීමට පෙර ඔබ සැලකිලිමත් වියයුතු තවත් කරුණක් වන්නේ ඔබේ අන්තර්ජාල සේවා සපයන සමාගමේ (ISP) ADSL centrel office එකේ සිට ඇති දුරයි. සාමාණ්යයෙන් ADSL සබඳතාවයක් ඉතා හොඳින් ක්‍රියාත්මක වන්නේ central office එකේ සිට 5km දක්වා දුර සීමාවක් තුල පමණි. එම සීමාවෙන් පිටතට යත්ම සබඳතාවයේ වේගය සහ ස්ථාවරත්වය ක්‍රමයෙන් අඩුවේ.

ADSL සබඳතාවය සමග ඔබට “සේවාව සහතික කිරීමේ ගිවිසුමක්” (Service Level Agreement) ද නොලැබෙන බැවින් ඔබ සබඳතාවයක් මිලදී ගැනීමට පෙර මෙම කරුණ පිළිබඳව බොහෝ සැලකිලිමත් විය යුතුය. එසේ නොකිරීමෙන් ඔබට ලැබෙන සබඳතාවයේ සඳහන් කරනලද වේගයන් නොලැබුනොත් සමාගම ඒ වෙනුවෙන් කිසිදු වගකීමක් නොදැරීමටද ඉඩ ඇත.  

කෙසේ වෙතත් පෙර සඳහන් කල mobile broadband වලට වඩා ADSL සබඳතාවයක සුවිශේෂී ගුනාංග කිහිපයකුත් දැකගත හැක. ඉන් ප්‍රධානතම කරුණ වන්නේ ඔබේ ADSL සබඳතාවය ඔබට ලැබෙන්නේ ඔබටම අනන්‍ය වූ රැහැනකින් වීමයි. එනම් සෑම ADSL පාරිබෝගිකයෙකු ම වෙන් වෙන් වූ රැහැන් ඔස්සේ අන්තර්ජාල සේවා සපයන සමාගම (ISP) වෙත සම්බන්ද වේ. මේ නිසා කොපමන පරිශීලකයින් පිරිසක් එකවර සම්බන්ධ වුවත් ඔබේ සබඳතාවයේ වේගය අඩු වීමක් සිදු නොවේ.

ජංගම දුරකතන ජාල තුලත් මේ වනවිට ඉතා විශාල පරිශීලකයින් පිරිසකට එකවර සම්බන්ධ වීමේ හැකියාව ලබාදී තිබුනත් න්‍යායාත්මකව පරිශීලකයින් ක්‍රමයෙන් වැඩි වනවිට එම ජාල අකාර්‍යක්ෂම වීමට ඉඩ ඇත. ඔබට ඕනෑම මොහොතක ඉතාමත් ස්ථාවර අන්තර්ජාල සබඳතාවයක් අවශ්‍ය නම් මෙම ගැටළුවට ADSL ඔස්සේ සාර්ථකව පිළියම් යෙදිය හැක.

වර්ෂාව, මීදුම වැනි පාරිසරික හේතු නිසා සබඳතාවය අකර්මන්‍ය නොවීමම, ඉතාමත් පහසුවෙන් විශාල පරිගනක ප්‍රමාණයකට වුවත් එකවර සබඳතාවය ලබාදීමේ හැකියාවම, ස්ථාවරත්වය, mobile broadband සබඳතාවයකට වඩා වැඩි සහ ස්‍ථාවර සන්නිවේදන වේගයක් පවත්වාගැනීම වැනි කරුණු ADSL සබඳතාවයක ඇති විශේෂතා ලෙස හඳුන්වා දිය හැක.

වෙනත් broadband internet සබඳතා වර්ග

T1 Connection

T1 යනු ශ්‍රී ලංකාව තුල එතරම් ප්‍රචලිත නොවුනත් broadband ක්‍රමයට අන්තර්ජාල සබඳතාවයක් ලබාගතහැකි තාක්ෂණික ක්‍රමවේදයකි. එක T1 line එකක් තුල 64kbps වේගයක් සහිත channels 24ක් ඇති අතර මෙම සියළුම channels එක්ව භාවිතා කරන විට 1.5Mbps දත්ත සම්ප්‍රේශණ වේගයක් ලබාගතහැක. නමුත් පාරිභෝගිකයාගේ අවශ්‍යතාවය අනුව මෙම channels වලින් අවශ්‍ය ප්‍රමාණයක් දුරකතන වෙහ්ත සහ තවස් තෝරාගත් ප්‍රමාණයක් අන්තර්ජාල සබඳතාවය වෙත වෙන් වෙන්ව ලබාගතහැක.

මෙහි සුවිශේෂී ලක්ෂණයක් වනුයේ මෙය Asymmetric සබඳතාවයක් නොවීමයි.  එනම් T1 සබඳතාවයක් තුල upload සහ download යන දෙ දිශාවටම දත්ත සම්ප්‍රේශණ වේගයන් සමාන වේ. මීට අමතරව T1 සඳහා “සේවා සහතික කිරීමේ ගිවිසුමක්” (Service Level Agreement) ලබාගතහැකි අතර එහි වේගයේ ස්ථාවරත්වය වෙනුවෙන් ISP විසින් 99.99%ක වගකීම් සහතිකයක් ලබා දේ.

කෙසේ වෙතත් මේවා ADSL සහ mobile broadband වලට වඩා බොහෝ මිල අධික ය. ආයතනික කටයුතු සඳහා වඩා සුදුසු වේ.

Satellite Internet

මෙයත් ශ්‍රී ලංකාව තුල එතරම් ප්‍රචලිත ක්‍රමවේදයක් නොවේ. නමුත් මුහුදු යාත්‍රා, කාන්තාර ප්‍රදේශ, කඳුකර ප්‍රදේශ වැනි ADSL, mobile broadband හෝ T1 සබඳතාවයක් ලබාගැනීමට නොහැකි ප්‍රදේශ වෙත අන්තර්ජාල පහසුකම ලබාගැනීමට satellite internet ප්‍රයෝජනවත් වේ. සාමාන්‍යයෙන් හොඳ දත්ත සම්ප්‍රේෂණ වේගයක් පවත්වාගතහැකි වුවත් satellite internet සබඳතාවයක ඇති ප්‍රධානතම දුර්වලතාවය වන්නේ සබඳතාවයේ ගුප්තතාවය (latency) සාපේක්ෂව ඉහල අගයක් ගැනීමයි. පොළව මතුපිට සිට 35,786km පමණ වූ ඉතා දුරින් කක්ෂගතව ඇති  චන්ද්‍රිකාවක් සමග දත්ත හුවමාරු කිරීමට සිදුවීම මෙයට හේතුවයි. විද්‍යුත් චුම්භක තරංග ආලෝකයේ ප්‍රවේගයෙන් ගමන් කලත් මෙතරම් විශාල දුරක් ගමන් කිරීමේදී 500ms පමණ වූ latency අගයක් ඇතිවේ. මේ නිසා satellite internet සබඳතා real-time communication සඳහා එතරම් යෝග්‍ය නොවේ.

මෙම T1 සහ satellite internet සබඳතා ADSL සහ mobile broadband වලට වඩා තරමක් මිල අධික බවද මෙහිදී ඔබට සිහිපත් කළයුතුය.

මීට අමතරව තවත් විවිධ වර්ගයේ broadband සබඳතා ලොව පුරා සුවහසක් පරිගනක පරිශීලකයින්ගේ කාර්‍යයන් පහසු කිරීමෙහි ලා ක්‍රියාත්මක වුවත් broadband තාක්ෂණය හඳූනාගැනීමට මෙම කරුණු කිහිපය ඔබට බෙහෙවින් ප්‍රමාණවත් වනු ඇත.

ඔබ අළුතින් broadband සබඳතාවයක් මිලදී ගැනීමට අදහස් කරන අයෙක් නම් ඔබේ අවශ්‍යතා නිවැරදිව හඳුනාගෙන ඊට වඩාත් සුදුසු සබඳතාවය තෝරාගන්න.

Continue Reading→